2023 BAFTA Awards nomination-ah ‘All Quiet on the Western Front’ a langsar

British hoin lemchan lama chawimawina sanga an neih a, BAFTA chu kumin atan nomination an puang ta a, ‘All Quiet on the Western Front’-in nomination 14 neiin a langsar ber a, The Banshees of Inisherin leh Everything Everywhere All at Once ten nomination 10 ve ve neiin an dawt a, heng film pathum te hi best original score-ah nominate an ni vek bawk.

-- Advertisement --

All Quiet on the Western Front hian 2000 kuma Crouching Tiger, Hidden Dragon a nih rual ta chiah a, sap tawng hmanna film ni lo zinga BAFTA nomination-a lang hnem ber a ni.

Tun tum BAFTA nomination-ah hian Austin Butler chu ‘Elvis’ film-a Elvis Presley lema a chan thiam em avangin leading actor-ah nominate a ni a, tun hi BAFTA nomination-a a lan vawi khatna a ni. Ani bakah hian Black Panther: Wakanda Forever avanga actress lama nominate Angela Bassett, The Banshees of Inisherin changtupa Colin Farrell, The Whale changtupa Brendan Fraser leh Everything Everywhere all at Once changtu Ke Huy Quan te pawh BAFTA nomination-a an lan vawi khatna theuh a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More