Entertainment khawvela mihang puala chawimawina, Black Entertainment Television in an sem tur 2023 BET Awards nomination-a Drake nena nomination-a lan tam lama inang a, nomination-a langsar ber ni bawk GloRilla chu 2023 BET Awards-ah a perform dawn tih an puang a, Lil Uzi Vert, Doechii leh Coco Jones te pawh he show-ah hian an perform dawn tih an puang bawk e.
Kumin BET Award hi hip-hop kum 50 tlin kum a lo ni chiah bawk nen, hip-hop golden jubilee lawmna te pawh an nei nghal dawn a, hemi pual hian 69 Boyz, Big Daddy Kane, Chief Keef, DJ Unk, E-40, Fast Life Yungstaz & Easton (F.L.Y.), Fat Joe, Ja Rule, Kid ‘N Play, MC Lyte, Percy “Master P” Miller, Remy Ma, Soulja Boy, The Sugarhill Gang, Trick Daddy, Trina, Tyga, Uncle Luke, Warren G, Ying Yang Twins leh Yo-Yo te pawh an perform dawn a ni.
BET executive vie president Connie Orlando chuan, “Hip-hop rimawi zinkawng mel lung pawimawh hrang hrang a rimawi te min hlui thei tur performer tha tak tak an intlar e Music atanga lam leh fashion thleng, hip-hop kum 50-naah hian a inher kual dan te leh khawvel a nghawng dan tarlang thei turin kiltin kan dap chhuak vek dawn,” a ti.
Kumin BET nomination-ah hian GloRilla leh Drakete hian nomination pasarih ve ve an nei a, 21 Savage leh Lizzo ten nomination panga ve ve an nei a, Beyonce, Burna Boy, Chris Brown, Ice Spice leh SZA ten nomination panga theuh an nei bawk.
2023 BET Awards-a perform tur zingah GloRilla leh Lil Uzi Vert an tel
Get real time updates directly on you device, subscribe now.
Prev Post