2023 BET Hip Hop Awards Nominations-ah Cardi B leh 21 Savage an langsar

2023 BET Hip Hop Awards Nominations-ah Cardi B leh 21 Savage an langsar
2023 BET Hip Hop Awards nomination an puang a, Cardi B leh 21 Savage ten nomination 12 ve ve neiin, an langsar ber a, an pahnih hian category pasarih- best collaboration, lyricist of the year, hip-hop artist of the year, hustler of the year, best hip-hop video, sweet 16: best featured verse leh song of the year-ah te an insu dawn nghe nghe a ni.
Cardi B leh 21 Savage te hi Drake-a’n dawtin, nomination pakua a nei a, Burna Boy leh DJ Khaled ten nomination pasarih ve ve an nei a, J. Cole-a’n nomination paruk neiin, Coi Leray, Glorilla leh Jay-Z ten panga theuh an nei a, Lil Uzi vert-a’n pali neiin, DaBaby, Kendrick Lamar, Latto, Lil Durk, Megan Thee Stallion leh Metro Boomin ten nomination pathum theuh an nei bawk.
He award hi October ni 3 hian Atlanta-ah an sem dawn a, award semna show hi live-a tihchhuah a ni dawn lo va, an record ang a, chu chu October ni 10-ah an tichhuak dawn chauh a ni.