2023 MTV VMA-ah Taylor Swift-i’n record a siam

An rama Thawhlehni zan, keini tana Nilaini tuk khan 2023 MTV Video Music Awards chu New Jersey-a Prudential Center-ah an sem ta a, Taylor Swift-i’n ‘Anti-Hero’ avangin Video of the Year a dawng a, he category-a award tum li a dawnna a ni ta a, MTV VMA-a video of the year award dawng ngun ber record a siam chu a sawh nghet leh ta sauh a ni. Swift hian a hmain he category-ah hian award pathum dawngin, he category-a award dawng ngun ber record a lo siam tawh a ni.
Kumin MTV VMA nomination-ah pawh Swift hi langsar berin, nomination 11 a nei a, SZA-i’n nomination pariat neiin a dawt a, Kim Petras, Olivia Rodrigo, Doja Cat, Nicki Minaj, Miley Cyrus leh Sam Smith ten nomination panga theuh an nei bawk.
Taylor Swift hi nomination-a langsar ber niin, award semnaah pawh a langsar leh ber a, award pakua a dawng a, TV-a tihlan chinah ringawt pawh award pali a dawng a, chung zingah award ngaihhlut ber Video of the Year a tel a, hei bakah hian award ngaihhlut dang Artist of the Year, Song of the Year leh Album of the Year te pawh a tel. Swift award dawn pakua atanga award paruk chu a hla hit ‘Anti-Hero’ avanga a dawn vek an ni bawk.
Kumin MTV VMA-ah hian *NSYNC stage-ah award hlanin an inlan a, tun kum 10 chhunga an reunion vawi khatna a ni a, ngaihhlut an hlawh hle. Anni hi an vanglaia khawvel huapa group lar ber te zinga mi niin, Justin Timberlake, JC Chasez, Lance Bass, Joey Fatone leh Chris Kirkpatrick te hian Taylor Swift award dawn Best Pop an hlan nghe nghe a ni.

2023 MTV VMA dawngtu te chu:
Global Icon Award : Sean “Diddy” Combs
Video Vanguard Award : Shakira
Video of the year : Taylor Swift – “Anti-Hero”
Artist of the year : Taylor Swift
Song of the year : Taylor Swift – “Anti-Hero”
Best new artist : Ice Spice
Best collaboration : Karol G, Shakira – “TQG”
Best pop : Taylor Swift – “Anti-Hero”
Best hip-hop : Nicki Minaj – “Super Freaky Girl”
Best R&B : SZA – “Shirt”
Best alternative : Lana Del Rey ft. Jon Batiste – “Candy Necklace”
Best rock : Måneskin – “The Loneliest”
Best Latin : Anitta – “Funk Rave”
Best K-pop : Stray Kids – “S-Class”
Best Afrobeats : Rema & Selena Gomez – “Calm Down”
Video for good : Dove Cameron – “Breakfast”
Push performance of the year : April 2023: TOMORROW X TOGETHER – “Sugar Rush Ride”
Best direction : Taylor Swift – “Anti-Hero”
Best cinematography : Taylor Swift – “Anti-Hero”
Best visual effects : Taylor Swift – “Anti-Hero”
Best choreography : BLACKPINK – “Pink Venom”
Best art direction : Doja Cat – “Attention”
Best editing : Olivia Rodrigo – “vampire”
Show of the Summer : Taylor Swift (The Eras Tour)
Group of the Year : BLACKPINK
Song of the Summer : Jung Kook ft. Latto – “Seven”
Album of the Year : Taylor Swift – Midnights