2023 Songwriters Hall of Fame a lakluh tur an puan zingah Snoop Dogg, Gloria Estefan, Glen Ballard, Sade Adu leh Liz Rose te an tel a. 52nd annual Induction & Awards Gala hi June ni 14 hian, Marriott Marquis Hotel, Ner York City-ah neih a ni ang.
-- Advertisement --
Kumina lakluh tur pali te hi group atanga lar chuak hmasa, mahse, a mimal anga lakluh tur an ni a, Sade member thin Sade Adu, Miami Sound Machine member thin Setefan, ELO member tin Jeff Lyne leh Guy member thin Teddy Riley te an ni. Lakluh tur pathum chu US pawn lama piang an ni a, chungte chu Sade Adu (Nigeria), Estefan (Cuba) leh Lynne (England) te an ni. Kumina lakluh turte hi kum 51 leh 75 inkar an ni a, Dogg a naupang ber a, kum 51 niin a upa ber Lynne cu kum 75 a ni.
Tunhnaiah rap/hip-hop atangin kum nga chhung chu a zawnin kumtin hall of fame-a lakluh an awm ta a, Jay-Z (2017), Jermaine Dupri (2018), Missy Elliott (2019), Chad Hugo leh Pharrell Williams (2022) te an ni a, 2020-ah khan hall of fame induction ceremony hi COVID-19 avangin neih a ni lo.
Lynne hi ELO member angin 2017 khan Rock and Roll Hall of Fame-a lakluh a ni tawh a, Estefan pawh hi 2017 khan Kennedy Center Honors dawng tawh niin, a pasal Emilio Estefan nen 2019 khan Gershwin Prize for Popular Song dawng taw a ni a, Rose hi 65th annual Grammy Awards, February ni 5-a sem turah song of the year-ah nominate a ni bawk.
Songwriters Hall of Fame (SHOF) hi 1969-a an din a ni a, hlaphuah lama hming chher, an hlaphuah hmasa ber hralh suma chang tura an tlangzarh hmasak ber atanga kum 20 liam hnuah SHOF-a lakluh theih an ni.