2024-a rap tour sum hmu hnem ber Travis Scott
Kumin hi tour lama hip-hop sum chevel tam ber tum a la ni a, 2024-a musician tour zawng zawng a sum chevel 5.7% chu rap artist ten an chang pha a, 2023 khan 2.7% an chang a, 2022-ah 3.4% niin, kumin hi touring-ah rap market a that ber kum niin, touring atanga sum la lut tam zual-ah pawh rap artist pasarih lai an lang pha.
Hmeichhe rapper lamin hma an sawn lehzual a, tour atanga sum la lut tam zual 100 zingah hmeichhe rapper pali an lang thei a, an tam ber tum niin, kum dang zawngah chuan genre hrang hrang lak khawm a touring atanga sum la lut tam zual zingah hmeichhe rapper pakhat bak an la lang ngai lo.
Billboard-in October ni 1, 2023 leh September ni 30,2024 inkara khawvel huapa rapper tour sum chet vel dan atanga a chhuta kumina rapper tour hlawhtling ber chu Travis Scott niin, thla 12 chhungin show vawi 69 a nei hman a, touring ticket a hralh zawng zawng maktaduai 1.4 a tling a, ticket hralhna sum tlingkhawm pawh dollar maktaduai 168.1 a tling. Travis Scott hi all-genre ranking-ah chuan No.15 a ni ve thung.
Travis Scott dawttu chu Nicki Minaj niin, show vawi 62 neiin, ticket 7,12,000 a hralh a, a ticket hralhna sum tlingkhawm chu dollar maktaduai 99.8 a ni. Nicki Minaj hi all-genre ranking-ah No.30 a ni bawk. No.3 chu $uicideboy$ niin, show vawi 60-ah ticket 6,21,000 hralhin, ticket hralhna atangin dollar maktaduai 65.9 a tling thei bawk. Ani hi all-genre ranking-ah No.48 a ni bawk.
2024 Rap Tour Top 10 ($ a maktaduaiin):
1. Travis Scott – $168.1
2. Nicki Minaj – $99.8
3. $uicideboy$ – $65.9
4. 50 Cent – $63.7
5. Doja Cat – $46
6. Missy Elliott – $41.8
7. Megan Tee Stallion – $40.2
8. Rod Wave – $28.7
9. Future – $27.9
10. Childish Gambino – $23.4
2024-a rap tour sum hmu hnem ber Travis Scott
Get real time updates directly on you device, subscribe now.
Prev Post
Next Post