2024-a Spotify-a hla stream nasat ber Billie Eilish ‘Birds of a Feather’
Music streaming platform lian bera chhal ngam hial tur Spotify-in nikuma an Wrapped an tichhuah khan Billie Eilish hla ‘Birds of a Feather’ chu No.3 a ni a, mahse, kum thar hmain he hla hi a invawrh sang leh hman viau a, kum 2024 chhunga Spotify-ah hla stream nasat ber a ni ta.
January ni 2-a Spotify year-end song statistic an tihchhuahah chuan Birds of a Feather hian vawi tluklehdingawn 1.781 stream a kai hman a, Spotify 2024 Wrapped-ah khan hla stream nasat-ah No.3 ni mah se kum a tawp meuh chuan Wrapped-a No.1 leh No.2, Sabrina Carpenter ‘Espresso’ leh Benson Boone ‘Beautiful Things’ lehpelin No.1-ah a invawrh kai ta a ni. Spotify Wrapped-a No.1 Sabrina Carpenter ‘Espresso’-in stream tluklehdingawn 1.778 kaiin No.2 a ni ve thung.
‘Birds of a Feather’ hi Billie Eilish studio album pathumna ‘Hit Me Hard and Soft’ album-a hla niin, he album hi Billboard 200 (albums) chart-ah No.1 a kai a, a hla pawh hian Billboard Hot 100 (singles) chart-ah No.2 a kai pha bawk. Nikum September khan ‘Birds of a Feather’ music video hi tichhuakin, October thla khan Saturday Night Live-ah a hla hi a perform leh bawk.
2024-a Spotify-a hla stream nasat ber Billie Eilish ‘Birds of a Feather’
Get real time updates directly on you device, subscribe now.