Elon Musk-a’n Tesla share $112M hu charity-ah pe
Khawvela hausa ber, electric car siamtu lian Tesla CEO, Elon Musk cuan Tesla share 2,68,000, dollat maktaduai 112 dawn man chu charity-ah a pe niin December ni 30, 2024-a regulatory filing-ah a lang. Musk hian Tesla share hi charity-a a pek vawi khatna a ni tawh lo a, 2022 pawh khan Tesla share dollar tluklehdingawn 1.95 hu zet chu hlawm hrang hrangin August leh December inkarah charity-ah a pe tawh a, 2021 khan Tesla share dollar tluklehdingawn 5.7 hu chu charity-ah ama foundation kaltlangin a pe tawh bawk.
Tun tuma Tesla share charity-a a pek hi Securities and Exchange Commission-a an tarlan dan chuan Musk-a ‘kum-tawp tax planning’ atanga pek a ni a, share a donate-na charity te hian an share hi hralh chhawn an tum lo a, chutihrualin a dawngtu te erawh tarlan an ni lo.
Elon Musk hian hetiang zat donation hi pe mah se khawvela hausa ber a nihna a nghin phah chuang lo va, Bloomberg-in a tarlan dan chuan Musk hlutna hi dollar tluklehdingawn 415 chuang a ni a, Tesla share pawh maktaduai 411 dawn neitu a la ni. Nikum khan company report-a a lan dan chuan Musk hian Tesla share 13% a la nei pha nghe nghe a ni.
Elon Musk-a’n Tesla share $112M hu charity-ah pe
Get real time updates directly on you device, subscribe now.
Next Post