2024 Billboard Women in Music Awards an sem
2024 Billboard Women in Music Awards an sem
An rama Nilaini zan, keini tana Ningani tuk khan YouTube Theater, Hollywood Park, Inglewood, California-ah 2024 Billboard Women in Music Awards an sem ta a, mahse, award semna show hi mipui en theih turin vawiin hian an tichhuak dawn chauh a ni.
Kumina award dawng mi pathum te chuan 66th annual Grammy Awards-ah khan award an lo dawng tawh bawk. Karol G chu Billboard Woman of the Year hlan a ni a, ani hian Manana Sera Bonito avangin Grammy-ah best musica urbana album a dawng a, Victoria Monet-i’n Billboard rising star award a dawng a, Grammy pathum- best new artist, best R&B album leh best engineered album, non-clasiccal a dawng tawh bawk a, Kylie Monogue-i’n Billboard Icon Award dawngion, ani pawhin ‘Padam Padam’ hla avangin Grammy-ah khan best pop dance recording a lo dawng tawh bawk a ni.
Kumina award presenter pahnih pawhin thla kaltaa Grammy an sem khan award an dawng a, Coco Jones leh Lainet Wilson te chu presenter niin, Coco hian Grammy-ah best R&B performance a dawng a, Wilson hian best country album a dawng ve bawk.
Billboard Women in Music Awards hi kum khat chhunga rimawi khawvela hmeichhe che tha te hnenah hlan thin a ni a, kumina award dawngtu te hi khawvel ram hrang hrang- Colombia (Karol G), Australia (Kylie Minogue), England (Charli XCX & PinkPantheress), South Korea (JewJeans), Nigeria (Tems), Brazil (Luisa Sonza), Phillippines (Sarah Geronimo), Italy (Annalisa), Puerto Rico (Young Miko) leh US (Maren Morris, Ice Spice & Victoria Monet) atangin an awm.
2024 Women in Music Awards dawngtute chu:
Performing Honorees
Karol G – Woman of the Year
Charli XCX – Powerhouse
Maren Morris – Visionary
NewJeans – Group of the Year
TEMS – Breakthrough
Victoria Monét – Rising Star, presented by Honda
Young Miko – Impact
Luísa Sonza – Global Force
Non-Performing Honorees
Ice Spice – Hitmaker
Kylie Minogue – Icon
Michelle Jubelirer – Executive of the Year
PinkPantheress – Producer of the Year, presented by Bose
Sarah Geronimo – Global Force (group award)
Annalisa – Global Force (group award)