2024 Daytime Emmy Awards nomination an puang a, award hi June ni 7-ah Westin Bonaventure Hotel, Los Angeles-a sem tur niin, Kevin Frazier le Nischelle Turner ten an host dawn ang. Host-te hi outstanding daytime personality- daily category-ah nominate ve ve an ni bawk.
Kumin Daytime Emmys-ah hian The Kelly Clarkson Show leh The Jennifer Hudson Show te chu outstanding daytime talk series-ah nominate an ni a, he category-ah hian Tamron Hall, The View leh Turning the Tables with Robin Roberts te nen an awmho a, anni pahnih zinga a tu emaw zawk hi award dawng tura rinkai an ni. Kelly Clarkson hian nikum khan he award hi a lo dawng tawh bawk a ni.
Clarkson hi outstanding daytome talk series host-ah pawh nominate a ni a, he award hi nikum pawh khan a dawng tawh a, kumin hian The View leh The Talk host Tamron Hall, bakah Live with Kelly and Mark host Mark Consuelos leh Kelly Ripa te nen an awmho.
Kelly Clarkson hian a talk show hi season li a lo kalpui tawhah Daytime Emmys pasarih a dawng tawh a, Jennifer Hudson hian a talk show hi award a la dawnpui lo va, mahse, 2021 khan Baba Yaga avangin outstanding interactive media a dawng tawh a, entertainment khawvela ngaihhlut award chi li- Emmys, Grammy, Oscar leh Tony te dawng kimin, EGOT status nei thei mi tlemte zinga a tel ve ta a ni.
Selena Gomez pawh Selena + Chef: Home for the Holidays (Food Network) avangin outstanding culinary series category-ah nominate a ni a, he category-ah hian Ina Garten, Valerie Bertinelli leh Zooey Deschanel te nen an awmho a, Selena hi award dawng tura rinkai a ni
2024 Daytime Emmys Nomination-ah Kelly Clarkson leh Jennifer Hudson an lang
Get real time updates directly on you device, subscribe now.
Next Post