2024 Kawasaki Z650RS India-ah tlangzarh

2024 Kawasaki Z650RS India-ah tlangzarh
Kawasaki chuan an Z650RS chu update-in India-ah an tlangzarh a, showroom-ah Rs 6,99,000 man a ni a, a model hmasa aiin Rs 7,000 velin a to zawk. 2024 Z650RS hian traction control feature te a rawn nei thar ta tih lohah chuan 2023 model nen a danglamna a tam vak lo.
He motorcycle thar hian two-mode Kawasaki Traction COntrol (KTRC) system neiin, Mode 1-ah hian corner a lak nuam lehzual dawn a, Mode 2 hi chu kawng huh leh nal deuhah wheel slip veng thei tura duan a ni.
LED headlamp bial neiin, single-piece seat a nei a, retro styling a ni nain a instrument cluster leh twin-pod layout bakah multifunctional LCD screen tê fel renrawn a nei a, smartphone connectivoty leh hands-free call leh navigation assistance a support bawk.
A mechanical-ah tihdanglam a awm lo va, 649-cc parallel-twin engine neiin, 67.07 bhp leh 64 Nm torque pechhuak thei a ni a, six-speed gearbox neiin, traction control a thuam a ni a, a hmaah telescopic fork leh a hnungah pre-load adjustable horizontal link system neiin, a ke hmaah single disc leh a hnungah dual disc brake neiin, dual-channel ABS a thuam a ni bawk.