2025 BRIT Awards-ah Charli XCX a langsar

2025 BRIT Awards-ah Charli XCX a langsar
British-hoin rimawi khawvela an chawimawi sang bera an neih BRIT Awards chu kumin atan an rama March ni 1 zan khan O2 Arena, London-ah an sem a, Charli XCX-i’n award panga dawngin a langsar ber a, chung zingah chuan award ngaihhlut album of the year leh artist of the year a tel.
Charli XCX hian award pali- song of the year, dance act, artist of the year leh album of the year a dawn bakah, honorary songwriter of the year dawng tel bawk. A album ‘Brat’ executive producer A.G. Cook-a’n producer of the year a dawng bawk.
‘Brat’ album avanga album of the year a dawn lawmthu sawinaah Charli chuan, “Tunhma chuan hetiang vel hi a pawimawh ber lo tiin ka ngaihtuah hin a, khetianga ngaihtuah kha a awlsam riau, a chhan pawh nikum thleng kha chuan a eng category-ah mah nominate ka ni ngai tlat lo. British music industry-ah hian pawnlang riaua inhriatna ka nei hin, chuvangin he album avanga hriat ka’n hlawh ve ta hi a nuam riau a ni,” a ti.
‘Brat’ hi 2024-a a tlangzarh kha niin, UK Official Album Charts-ah No.1 kaiin, Billboard 200 (albums) chart-ah pawh No.3 a kai a, Billboard staff ten ‘album of the year’-ah an lo thlang tawh bawk.
2025 Brit Awards show hi comedian Jack Whitehall-a’n host-in, he show hi um nga a host-na a ni tawh. Award show-ah hian Chappell Roan pawh a langsar pawl niin, international artist leh international song category-ah te Taylor Swift, Billie Eilish leh Beyonce te nana nomination-a an lan honaah award a dawng thei tlat.
Nikum December-a 2025 BRIT Rising Star award dawng tura an lo puan lawk tawh singer-songwriter Myles Smith pawhin a lar chhuahna hla ‘Stargazing’ a perform. He award hi voting academy-in British act zinga rimawi lama nghawng nei lian thei tura an ngaih hnenah hlan hin a ni.
Kumin award semnaa hian nomination lama langsar Dua Lipa, The Cure leh Central Cee an che ha lo a, Dua Lipa hian nomination pali a neihah award a dawng lo vek a, The Cure leh Central Cee te pawhin nomination pathum an neihah award an dawng lo vek bawk.
2025 BRIT Awards winners:
Mastercard album of the year : Charli XCX – Brat
Artist of the year : Charli XCX
Group of the year : Ezra Collective
Best new artist : The Last Dinner Party
Song of the year : “Guess,” Charli XCX (ft. Billie Eilish)
BRITs Rising Star : Myles Smith
International artist of the year : Chappell Roan
International group of the year : Fontaines D.C.
International song of the year : “Good Luck, Babe!,” Chappell Roan
Alternative/rock act : Sam Fender
Hip-hop/grime/rap act : Stormzy
Dance act : Charli XCX
Pop act : Jade
R&B act : Raye
Songwriter of the year : Charli XCX
Producer of the year : A.G. Cook
Global success award : Sabrina Carpenter