2025 Daytime Emmys an sem
2025 Daytime Emmys an sem
Chhun lam chhuak, TV programme tana chawimawina sang, Daytime Emmys chu kumin atan an sem leh ta a, ‘Live With Kelly and Mark’-in award ngaihhlut outstanding daytime talk series a dawng. Hetihrual hian tun kum nga chhung a zawna a telna category pahnih zinga pakhat zawk tala award la dawng ziah Kelly Clarkson chuan award a dawng ta lo hlauh a, a award dawn thin outstanding daytime talk series host chu Drew Barrymore-i’n ‘The Drew Barrymore Show’ avangin a dawng ve thung.
The Drew Barrymore Show hian best directing team leh best hairstyling/makeup a dawng tel a, tihian award pathum dawngin, kuminah chuan a langsar pawl a ni. The Kelly Clarkson Show hian a zawna kum li chhung a lo dawn tawh outstanding daytime talk series pawh a dawng lo a, mahse, kutruak chuan a aw bik lo a, best lighting direction leh best live sound mixing/sound editing a dawng.
Kumin Daytime Emmys a langsar ber chu General Hospital niin, award pasarih a dawng a, The Drew Barrymore Show, The Secret Lives of Animals leh Secret Lives of Orangutans ten award pathum theuh an dawng a, Black Barbie, Days of Our Lives, Delicious Miss Brown, Disney Parks Magical Christmas Day Parade, Entertainment Tonight leh The Kelly Clarkson Show ten award pahnih theuh an dawng bawk.
Sir David Attenborough, kum 99, chuan Netflix program, Secret Lives of Orangutans avangin outstanding daytime personality a dawng a, record siamin, Daytime Emmy dawng thei upa ber a ni. A hmaa hetiang record chu Dick Van Dyke siam niin, ani hian kum 98 mi niin nikum khan Days of Our Lives avangin outstanding guest performer in a drama series a dawng a, kuminah Sir David hian a rawn khum ta a ni.
Selena Gomez a la vanduai tluang zel a, Food Network series ‘Selena + Restaurant’ chu outstanding culinary instructional series-ah nominate a ni a, mahse, Delicious Miss Brown chu award dawngtuah a tang ta zawk. Gomez hi Daytime Emmys nomination -ah tum thum lang tawhin, award a la dawng lo a, Primetime Emmys-ah pawh tum nga nomination-a lang tawhin, award a la dawng lo a, Children’s and Family Emmys-ah pawh tum khat nomination-ah langin, award a dawng lo bawk. Emmys-ah hian Gomez a vanduai rih tlat!
Emmys hi National Academy of Television Arts & Sciences-in kumtin an sem thin a ni a, kumin award semna show-ah Mario Lopez chu host niin, Pasadena Civic Auditorium, Pasadena, California-ah sem a ni.
2025 Daytime Emmys dawngtute chu:
Outstanding Daytime Talk Series : Live With Kelly and Mark
Outstanding Daytime Talk Series Host : Drew Barrymore, The Drew Barrymore Show
Outstanding Arts and Popular Culture Program : Black Barbie, Netflix
Outstanding Short Form Program : Ballin’ Out, Outsports
Outstanding Music Direction and Composition : Secret Lives of Orangutans, Netflix
Outstanding Entertainment News Series : Entertainment Tonight
Outstanding Daytime Personality – Daily : Cassie DiLaura, Denny Directo, Kevin Frazier, Rachel Smith & Nischelle Turner
Outstanding Daytime Special : Disney Parks Magical Christmas Day Parade
Outstanding Daytime Personality – Non-Daily : Sir David Attenborough, Secret Lives of Orangutans
Outstanding Culinary Instructional Series : Delicious Miss Brown
Outstanding Culinary Cultural Series : Chasing Flavor With Carla Hall
Outstanding Culinary Host : Kardea Brown, Delicious Miss Brown