Taylor Swift ‘The Life of a Showgirl’ a kar 2 nan a No.1

Taylor Swift ‘The Life of a Showgirl’ a kar 2 nan a No.1
Taylor Swift album thar ‘The Life of a Showgirl’ chu Billboard 200 (US albums) chart-ah a No.1 a, he chart-ah hian a zawnin a kar hnih nan a No.1 leh ta a. He album hi an tlangzarh karah US-ah maktduai 4.002 hralh theiin, record siamin No.1-ah a debut a, a kar hnihnaah hian album hralhna chu 92%-in a tlahniam nghal nain, No.1 a la ni pha tho a ni.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
‘Showgirl’ album hi a kar hnihnaah pawh kumina album kar khata hralh tam pangana a la ni pha tho a, a kar khatnaah maktaduai 4 an hralh kha modern-era (1991 hnulam) a kar khat chhunga US-a album hralh tam ber a la ni a, kuminah album an tlangzarh kara No.1 ni nghal, a zawna kar hnih No.1 ni thei album pathumna a ni bawk.
‘Showgirl’ album 3,38,000 an hralhah hian streaming atangin 2,36,000 (on-demand official stream maktaduai 307.59) a tling a, album tak tak hralh (traditional album sales) chu 1,01,000 niin, album-a hla a mala hralhna atangin 1,000 a tling thei bawk.
Chart top 5 chu a ngai la niin, No.1 hlui KPop Demon Hunters soundtrack chu 1,04,000 hralh lehin No.2 a la ni a, chart No.1 hlui bawk Morgan Wallen “I’m the Problem” chu 79,000 hralh lehin No.3-ah bawk a la awm a, chart No.1 hlui Cardi B “AM I THE DRAMA?’ chu 50,000 hralh lehin No.4-ah bawk a la awm a, No.1 hlui bawk Sabrina Carpenter ‘Man’s Best Friend’ chu 45,000 hralh lehin No.5-ah bawk a la awm.
Olivia Dean ‘The Art of Loving’ chu 36,000 hralh lehin No.7 atangin No.6-ah a insawn a, chart No.1 hlui Bad Bunny ‘DeBÍ TiRAR MáS FOToS ‘ chu 33,000 hralh lehin No.6 atangin No.7-ah a tawlh a, chart No.1 hlui SZA ‘SOS cu 32,000 hralh lehin No.9 atangin No.8-ah a insawn a, Alex Warren ‘You’ll Be Alright, Kid’ chu 32,000 tling lo deuh hralh lehin No.8 atangin No.9-ah a tawlh a, chart No.1 hlui Morgan Wallen ‘One Thing at a Time’ chu 31,000 hralh lehin No.10-ah bawk a la awm.