2025 Met Gala-ah milar an fuankhawm
Shah Rukh Khan an hre lo!
2025 Met Gala chu an kumtin danin May thla |hawhtanni hmasa berah an nei leh ta a, kumin hian theme-ah ‘Superfine: Tailoring Black Style’ an hmang a, Metropilitan Museum of Art-ah milar te fashion hmuhnawm tak tak nen an fuan khawm leh ta a ni. Kumin Met Gala-ah hian Bollywood superstar Shah Rukh Khan a vawi khat nan a inlan a, Indian mipa actor zinga Met Gala inlan hmasa ber awm chhun a la ni.
Kumin theme hi Monical L. Miller lehkhabu 2009-a a tihchhuah ‘Slaves to Fashion: Black Dandyism and the Styling of Black Diasporic Identity’ tih zul a neih a ni a, official dress code chu ‘Tailored for You’ tih a ni bawk.
Kumin ian Pharrell Williams, A$AP Rocky, Colman Domingo leh Lewis Hamilton te chu co-chair an ni a, LeBron James chu honorary chair niin, James hi a khup a tihhliam avangin a inlan thei ta lo. Tyla, Doechii, Andre 3000, Usher, Janelle Monae te pawh costume institute benefit host committee-ah an tel.
Met Gala hi fashion magazine Vogue buatsaih thin niin, Costume Institute Benefit te pawh an ti thin a, khawvela fashion event huhang nei lian leh ngaihhlut ber niin, Met Gala a kal te chuan an theme mil tur thawmhnaw anmahni duh zawng an inbel thin a, thawmhnaw maksak leh dangdai tak tak inbelin red carpet aiah blue carpet-ah an inlan thin. Sawm bik te tan chauha tel theih niin, fashion, film, television, music, theater, business, sports, social media, leh politics lama mi langsar tak tak an tel thin.
Met Gala entry ticket hi 2023 khan dollar 50,000 niin, 2024-ah dollar 75,000-ah a kang dawrh a, kuminah ticket man tihsan belh lovin dollar 75,000 tho a la ni a, Met Gala hi Metropolitan Museum of Art tana sumtuaknan an hmang nghal thin a ni.
Kumin Met Gala-ah hian Bollywood superstar Shah Rukh Khan pawh a vawi khat nan a inlan a, Indian mipa actor zinga Met Gala blue carpet zawh thei hmasa ber leh awm chhun a la ni. Mahse, Shah Rukh Khan hi sapram lam media ten an la bel tawk lo, tunge a nih an hre tlat lo!
Video pakhat viral-ah chuan SRK hi journalist pakhatin a hre lo a, tunge a nih insawi tura a tih chuan, SRK pawhin mak a tih mel ve deuh a, chutah, “Hi, Shah Rukh ka ni,” a ti a. Chutah Met Gala-a a inthuamna design-tu an zawt leh a, a designer chu Sabyasachi a nih thu a sawi.
Video dangah SRK hi history siama, Indian mipa actor zinga Met Gala a inlan hmasa ber a nih chungchang an zawt a. SRK chuan, “History lam pawh ka ngaihtuah lo, mahse, ka nervous a, ka phur bawk, chuan, heta hi Sabyasachi a awm bawk a…” tiin a bula designer ding chu enin, “Ani hian helai hmun thleng tur hian sawm chhuak a ni,” a ti bawk.
2025 Met Gala-ah milar an fuankhawm Shah Rukh Khan an hre lo!
Get real time updates directly on you device, subscribe now.