2025 Screen Actors Guild (SAG) Award nomination an puang a, Jonathan Bailey leh Selena Gomez te chu film leh television lama nomination nei kawp thei awm chhun an ni. Bailey hi ‘Wicked’ avangin film lamah supporting actor category-ah a lang a, Bridgerton avangin TV nomination-ah a lang bawk. Gomez pawh Emiliz Perez avangin film nomination-ah langin, Only Murders in the Building avangin TV nomination-ah a lang bawk.
Ariana Grande leh Cynthia Enrivo ten ‘Wicked’ avangin nomination an nei ve ve a, Timothee Chalamet, Edward Norton leh Monica Barbaro te pawhin ‘A Complete Unknown’ avangin nomination pahnih theuh an nei. He biopic-ah hian Chalamet hi Bob Dylan lemah a chang a, Norton hi Pete Seeger lemah changin Barbaro hi Joan Baez lema a chang ve thung.
‘Wicked’-in nomination panga neiin, film lama tum khata nomination ngah ber record a nih rual a, film dang ‘A Complete Unknown’ leh Emilia Perez ten nomination pali ve ve neiin, ‘Anora’-in pathum a neih bakah ‘Conclave’ leh ‘The Last Showgirl’ ten nomination pahnih ve ve an nei bawk.
TV lamah Shogun langsar berin, nomination panga a nei a, The Bear-in nomination pali neiin a dawt a, The Diplomat-in nomination pathum a nei bawk.
31st Annual SAG Awards hi February ni 23 hian Shrine Auditorium & Expo Hall, Los Angeles-ah a sem tur niin, Netflix-ah live-in an tichhuak ang.
2025 SAG Awards nomination-ah Selena Gomez, Ariana Grande leh Jonatan Bailey an langsar
Get real time updates directly on you device, subscribe now.
Prev Post
Next Post