4-lane atana ram lak tum dan CM hoin sawi

Vairengte- Sairang inkara national highway siam hnathawh tura land acquisition chungchangah chief minister Zoramthanga hoin sawi a ni.
NHIDCL-in Vairengte leh Sairang inkara 4-lane kawng siam hna a thawh tan theihna tura harsatna awm thenkhat leh sutkian a nih theih dante sawi ho a ni a. Stakeholder hrang hrangten an ngaihdan leh harsatna tawh an sawi. NHIDCL lamin clearance an neih theih na’na dilna an lo thehluh tawhte thlirhoin, hna thawh thuai an beisei thu sawi a ni.
Thutkhawmah hian advisor to chief minister C Lalramzauva, EF&CC principal secretary RK Singh, PWD secretary K Lalthawmmawia, Kolasib district administration leh Competent Authority for Land Acquisition (CALA) aiawhte, 4-lane paltlang tur Kolasib district-a khaw hrang hrang atanga ram neitu aiawh, tlawmngai pawl leh khawtlang hruaitu aiawhte an tel a ni.