4th IR mite hriselna dinhmun en

4th IR mite hriselna dinhmun en
Mamit Luangpawla awm 4th IR Bn Hqrs. mite chu TB an kai leh kai loh bakah an hriselna dinhmun endiksakin Thawhlehni khan District Mental Health, National Tobacco Control Programme leh Mobile Medical Unit chuan an kalchilh a. Mamit senior medical officer Dr Lalhlunpuii kaihhruaiin 100 Days TB Campaign denchhenin TB chungchang hrilh an ni.
Awareness programme hman zawh hian TB screening leh health checkup neih a ni a, IR-a hnathawka awm zawng zawng endik an ni.
Tunah hian Mamit district-a ni 100 chhung TB campaign kalpui mekah TB kai thei nia ngaih tinzawn bik atangin mi 3036 chu x-ray hmanga screen an ni tawh a. Heng zingah hian khaw 5 atangin mi 7 TB vei hmuhchhuah an ni tawh. Campaign hi March 2025 tawp hmaa neih zawh hman tum a ni.