Shah-an Muslim quota tihtawp sawifiah

Union Home Minister Amit Shah chuan April 25 khan BJP Government in Karnataka a 4% quota Muslims te tana hauh thin a tihtawp chu chhan tlatin BJP party chuan ‘religion-based reservation’ a duh ngai lo tiin a sawi.
BJP chief chuan Congress te pawh sorkarna an chang a nih chuan quota chu pek let an nih tur th an tiam avangin a sawisel bawk.
“Sakhuana behchhanin Muslim te tan 4% reservation siam a ni a. Hei hi vote bank politics dik tak a ni a, BJP sorkar chuan Muslim reservation hi a titawp a ni” tiin Shah chuan Terdal-a public meeting a neihnaah a sawi a.
“Sakhuana behchhana reservation siam hi kan duh ve ngai dawn lo” tiin Shah chuan a sawi bawk.
Muslim reservation tihtawp a nih hnu hian BJP sorkar chuan Scheduled Castes, Scheduled Tribes, Vokkaligas leh Lingayats te tan reservation a tipung nghal tih a ni bawk a.
Basavaraj Bommai sorkar chuan SC reservation 15% atangin 17% ah a tipung nghal tia sawiin Shah chuan international reservation of SC (Left) chu tunah 6% niin SC (Right) chu 5.5 niin SCs dang te chu 5.5% a ni mek a ni a ti bawk.
Union Home Minister chuan Congress ten Karnataka a thuneihna an chan leh chuan dynastic politics in a tawngsang leh dawn tia sawiin state hmasawnna kal mek te chu a hnungtawlh leh zui ang a ti bawk a.
May 10 a inthlanna nei mai turah Karnataka-ah politics nghelnghet awm se a duhthu sawi bawkin BJP te chu ‘New Karnataka’ siam tura vote turin a ngen bawk.