Mizoram lawmman lak dawng
Brahmaputra Board – High Powered Review Meeting chu a tum 12-na atan Thawhlehni khan Guwahati-ah Union Minister of Jal Shakti Gajendra Singh Shekhawat kaihhruaia neih a ni a. Union minister of state (Agriculture and Farmers Welfare) Kailash Choudhary bakah India rama hmarchhak state hrang hrang atangin Board member-te an tel. Mizoram aiawhin Irrigation & Water Resources minister C Lalrinsanga a tel.
He huna sem, Ministry of Jal Shakti-in national award a siam, ram pum huap intihsiaknaa Mizoram PHED-in a dawn, Mamit district-in ‘Fastest Moving Aspirational District’ pakhatna; 2022 October 1 atanga 2023 March 31 chhunga ‘Best Performing Aspirational District’ a pahnihna; general category-ah Kolasib-in ‘Best Performing District in High Achievers’ pathumna a dawnte chu minister hian state aiawhin a dawng.
Minister C Lalrinsanga chuan, state tana project pawimawh tak tak thlente pawm a nih avanga lawmthu a sawi bakah tuihna kang zel tur venna, Springshed Management Project leh tuilianin agriculture ram tha a tih chhiat zel venna atana project tam zawk hmalak mamawhna awmte Mizoram tana kut thlak a nih zel theihna turin Union minister hnenah hian a thlen.
Mizoram lawmman lak dawng
Get real time updates directly on you device, subscribe now.
Next Post