Soft ghosting

Soft ghosting’ an ti a, chu chu online dating tawngkam a ni. Ghosting chu ngaihzawngte nen inkar a tha reng emaw tih laia engmah sawi lo a an reh hmak hi a ni mai a, soft ghosting chu ghosting aia tlema ziaawm deuh tihna a ni mai a, mahse, ghosting aia a that zawkna a awm chuang lo!
1. Online-ah in inbe reng a, i biakna te a chhang ve reng che a, mahse, kan inchhan danah hian min be chak vak lo hi chu a hriat ve theih. Chuti chung chuan eng nge a rilru tak tak i hre bawk si lo. I be chhunzawm zel a, nakinah chuan a chhan dan che a tawi ta tial tial a, nakinah ‘aw’ leh ‘aih’ tih vel chauh i dawng ta. Khatiang kha soft ghosting an tih chikhat chu a ni. A be tha peih tawh lo che a, han reh hmak kha nuam a tichiah si lo a, a rul tawk lek lekin a chhang ve bauh bauh che a, i biak hmasak loh phei chuan a be ngai lo ang che, i biak chhunah pawh chhanna sei tak i dawng ngai tawh lo ang a, ‘aw’ lah ‘aih’ tih ringawt te a ni tlangpui ang.
2. I message a ‘like’ em? Hei hi chu a pawi tawh teh mai a nia. I message te ‘like’ emoji ringawtin a chhang let tawh che. Mahse, chhang lo tawp che a ni lo a, message dang i type leh a, mahse, a chhanna a awm ta lo. ‘Like’ bak kha chu a reh zui ta vang vang mai a ni. A ghosted che a, a dam zawng deuhin tihna a ni mai.
3. I message a ‘like’ avangin beiseina i nei a, i nghak a, ‘a buai a niang’, ‘a internet connection a tha lo a niang’ tih te i ngaihtuah a, i nghak zel a, mahse, i nghak chhuak zo tawh lo ang. Harh chhuak rawh le, a soft ghosted che a nih kha.