Kum khata cinema hall-a film en ngun ber record siam

Pennsylvania, USA-a cheng, tax officer pension tawh, Glenwood Hoskin Jr. chuan thla 12 chhungin cinema hall-ah film vawi 1,207 a en hman a, Guinness World Record a siam. Guinness World Records hian October ni 30, 2026 khan a record siam thu hi an puang ta a ni. A hmaa hetiang record chu 2025-a American Zachariah Swope siam niin, ani hian thla 12 chhungin cinema hall-ah film vawi 777 a en ve thung.
Hoskin hian record siam tur hian cinema hall timming milin a hunawl neih dan nena inmil turin cinema hall-a film en dan tur a ruahman \hin a, chawhma lama an inhawn \an a\anga zanlaia an inkhar thleng rak ten a en \hin. Hetiang hian nitin a tiziah bik lo a, a hun awl neih dan nena inmil turin a ruahman \hin a, chawhrualin thla 12 chhungin nitin cinema hall-ah film pathum chuang en ziah ang a ni.
Hoskin hian internet a khawih kualna velah hetiang record hi siam an awm tih a hrechhuak a, ani lah cinema en nuam tichi a lo ni ve bawk nen, record siam tumin a bei ve ta a, “Hetiang inchophurna ang chi hi nuam ka ti a, eng emaw tihpuitlin tum neia thil tihte hi a nuam ve a,” a ti.
Hoskin, kum 60, hian thlasik khawvawh tak tak hmaa record siam hman tumin a inbuatsaih a, film ngai te pawh a en nawn deuh ngat ngat chan a awm a, animated movie leh comedy lam hmuhnawm a tizual a, The Wild Robot leh Deadpool & Wolverine te chu a favorite zingah a tel. Cinema hall-a midang te nena film en ho chu in lama mahni chauha en aiin a nuamin a hmuhnawm duh zawk niin a sawi bawk.