June 7, Thawhleh tlai khan RG Stadium, Mualpuiah LBS Suzuki 21st Inter YMA Football Tournament 2023 semi final khelh a ni a, semi final hmasa zawkah Tlangnuam chuan 3-2 in team hmuhnawm Bawngkawn an hneh a, final an lut.
Inelna neih meka chetha leh team hmuhnawm pahnih Tlangnuam leh Bawngkawnte inhmachhawn tur hian ngaihven a hlawh a. An inkhela chak zawk zawk hi champion zui tur ang hiala ngaih a ni. Rin lawk ang ngeiin an khel a hmuhnawmin, an inhneh-tawk viau a, inkhel hmuhnawm takah Tlangnuam chu vannei zawkah an tang.
Semi-final hmasa zawkah hian Tlangnuamin goal an thun hmasa a, minute 29-naah Lalchhanchhuaha chuan hmahruaina goal a thun. Minute 36-naah F Lalremtluanga’n goal thunin Bawngkawn si phurh a sut a. Bawngkawn tan hian MC Malsawmzuala chuan minute 41-naah hma an hruai letna goal a thun.
Chawlhlawk hnu lamah Tlangnuam tan Tluangtea Chhangte leh Zothanpuia ten inhnaihchilh taka goal thunin hma an hruai let a, an chak zui ta a ni.
Tlangnuam in final an lut
Get real time updates directly on you device, subscribe now.