Pathianni khan London khua Kennington venga cricket khelhna stadium hmingthang The Oval an tihah Australia leh India chuan Test cricket inelna (league competition) sang ber, Test World Cup tia sawi theih ICC World Test Championship (WTC) final an khel zo a, ni nga khelh tura a ni nganaah hian Australia chuan run 209-a India hnehin an champion.
Final day-ah hian Aus-tralia target kham sang tak (world-record target of 444) pawtthla turin India hian run 280 an mamawh a; a hmuna inkhel entute’n Virat Kohli leh Ajinkya Rahane khelmual lut lo auphur teh mah se Indian star pahnih hian Men in Blue an chhanchhuak zo lo.
ICC chuan WTC hi kum 2019 August ni 1 khan a vawikhatna atan a buatsaih tan a, Australia hi kum hnih kaltaa champion New Zealand dawta WTC trophy hawn leh thei ram pa-hnihna chiah an ni.
World Test Championship hnehtu Australia
Get real time updates directly on you device, subscribe now.
Prev Post