Mizoram State Agriculture Horticulture Forestry & Marketing Cooperative Federation Ltd. (MAHFED) chuan Zirtawpni khan Aizawlah Annual General Assembly vawi 25-na an hmang.
He hun hmanpuitu Social Welfare & Tribal Affairs minister Er Lalrinawma chuan Mizorama cheng tam zawk chu ram leilung behchhana ei zawng kan nih angin, MAHFED mawhphurhna a zau hle a, an hnathawh chuan ram sum leh pai dinhmun khaichhuahna kawngah hmun pawimawh tak a chang, tih a sawi a ni. Ramchhunga thlai leh thildang tharchhuahte hlawk zawka hralh a nih theihna’n uluk taka zirchian a tul, tiin, heti lamah hian MAHFED chuan ngaihtuahna seng se a duh tih a sawi.
Mizoramin state level-ah federation changtlung tak tak a nei chu a lawmawm rualin, hmasawnna tak tak a awm theihna’n khaw tina society (primary level society) tihchangtlun a pawimawh a, chona lian ber pawh a ni, tih minister hian a sawi.
MAHFED hmalakna leh dinhmun report-a a landanin, Bairabi-ah cheng nuai 274 man warehouse sak chu Union Home minister Amit Shah chuan a hawng tawh a; Aizawl by-pass road (World Bank Road) ah warehouse dang sak mek a ni. MAHFED ah hian share nei mi 114 awmin, Rs. 1,80,83,647 a nei mek. MAHFED Ltd ah hian Board of Director thlantlin mi 9 leh sawrkar nominee mi 6 an awm a ni.
MAHFED-in inkhawmpui hmang
Get real time updates directly on you device, subscribe now.
Prev Post
Next Post