Academy of Country Music (ACM) chuan 58th Academy of Country Music Awards an sem huynah Special Awards dawng tur an puang ta a, Chris Stapleton, Tim McGraw leh Kane Brown an tel. He event hi August ni 23 a neih tur niin, Nashville-a Ryman Auditorium-ah an nei dawn a, Carly Pearce chu host tur a ni.
Kumina an chawimawi tute chu Clint Black, BRELAND, Kane Brown, Mary Chapin Carpenter, Charlie Cook, Charlie Daniels, Mike Dungan, Ashley Gorley, HARDY, Bill Mayne, Tim McGraw, K.T. Oslin, Chris Stapleton leh Troy Vollhoffer te an ni.
Host Carly Pearce hi ACM Awards pali dawng tawh niin, tun hi he award show tum thum a host-na tur a ni ta a, 2020 atang khan a zawnin a la host ta char char a ni.
ACM Special Awards hi country rimawi khawvela thawh hlawk te hnenah hlan thin a ni a, zaithiam mai bakah producer leh music executive, hla phuahthiam leh musician te hnenah hlan thin a ni a, Special Awards Committee awmin, anni hian award dawng tur te chu tehna hrang hranga an teh hnuah an thlang thin a ni.
Chris Stapleton, Tim McGraw leh Kane Brown ten ACM Special Awards dawng dawn
Get real time updates directly on you device, subscribe now.