‘Avengers: Doomsday’-in pre-sales record a siam

Avengers film thar ‘Avenmgers: Doomsday’ chu December ni 18-ah an tlangzarh dawn chauh a, mahse, tunah cinema hall ticket sales lamah record a siam der tawh a, advance ticket sales hi khawvel huapin dollar maktaduai 100 a tling tawh a, advance ticket sales-a hetiang zat kai thei hmasa ber a ni a, US bikah pawh advance ticket sales hi dollar maktaduai 40 chunglam a ni. He film hi cinema hall lama an tihchhuah nan thla hnih zen zawn a la awm a nia!
Film tlangzarh tawh zingah advance ticket sales-a dollar maktaduai 50 kai thei pawh a la awm ngai lo a, ‘Avengers: Doomsday’ hi film tlangzarh hmaa cinema hall ticket lo hralh lawk atanga dollar maktaduai 50 tlin thei hmasa ber niin record a siam, chu mai ni lovin dollar maktaduai 100 chuang man ticket an hralh lawk ta hial a ni.
‘Avengers: Doomsday’ hi a trailer an tihchhuah bakah boruak siam nan ‘Avengers Endgame: Encore’ an tlangzarh thar leh hnuah advance ticket sales hi a pung ta thur thur mai a, ‘Avengers: Endgame’ an tlangzarh nawnleh pawh hian khawvel huapin dollar maktaduai 80 chuang a lak luh belh leh thei tlat a ni.
‘Doomsday’-ah hian Robert Downey Jr., Chris Evans leh Chris Hemsworth ten Avengers hi an rawn ho leh dawn a, anni pathum rawn inkawp leh thei hian advance ticket sales pawh hi a tipung niin an sawi.
Tuna advance ticket sales awmdan leh a boruak thlirin cinema hall ticket hralh lam chhuttu te chuan Avengers: Doomsday hian opening weekend-ah khawvel huapin cinema hall ticket hralhna atangin dollar tluklehdingawn la lut thei turin an chhut a, ‘Avengers: Endgame’ pawh khan opening weekend-ah dollar tluklehdingawn hi a lo lalut tawh bawk a, ‘Endgame’ aiin ‘Doomsday’ hi box office lama huhang lian zawk turin an chhut a ni a, cinema hall ticket hralhna atanga dollar tluklehdingawn 3 la lut thei turin an chhut hial a ni. Tunah hian cinema hall ticket hralhna atanga sum la lut tam ber chu Avengers: Endgame niin, dollar tluklehdingawn 2.9255 a la lut tawh.