I ngaihzawng kha awlsam taka \hen dan i hre duh em?

Rinawmna hi a hlu a, mahse, inngaihzawnna-ah hian rinawmna dahthat a tul chang a awm ve tlat mai.
In inkarah engmah fel lo a awm lo, mahse, then i duh miau si, thenna chhan tur i hre mai si lova, a thentu zawk nih i hreh bawk si. Engtin nge i tih tak ang le?
Inla buai rawh! A bula hun i hman tlem theih nan i hnaah emaw, eng emaw tulna tak nei leh buai riau angain awm la, chutianga ni hnih ni thum vel i awm chuan in inkarah khi a awm tan nghal mai ang.
In pahniha inkawm falna hun turah i thiante hruai ve zel a, chutiang chu tawrh peih loh leh theih loh chin a nei ngei ang a, amah zawkin inthen a rawt hun a thleng mai ang.
Khawiah emaw in chhuah dun tum pawhin tu tute emaw ti ti puiin, amah ngaihven hman lek lovin hun hmang la, a ning ang, a kalsan hun che a thleng mai ang.
A rilru tibuai rawh. Engtin emaw, a ngaihthat loh dan tur takin awm la, eng nge a chhan a zawh che pawhin engmah hrilh tha duh si lo la. Phone call i dawn pawhin a hriat phak loh turah, zawi te tein han be sep sep la. Chutianga vawi hnih khat i tih tawh hnuah chuan i then buai a ngai lovang, amah zawkin a then mai ang che.