Central-in Manipur leh Mizorama dan loa raltlante biometric reocord nei vek turin a hrilh

nion Home Secretary, Ajay Kumar Bhalla chuan Manipura chi leh chi inkara buaina a chhuah hma khan thuchhuah siamin Myanmar atanga raltlan te Manipur leh Mizorama lo lut zat leh an biometric chiang taka nei turin a lo hrilh tawh a. Hemi chungchanga state pahnih te ngenna hi Home Ministry chuan June 22, 2023 khan hriattir nawn lehin September 30, 2023 chhunga peih fel hman ngei turin a rawn hriattir leh a ni.
Union Home Ministry chuan March 30, 2021 khan state pali Nagaland, Manipur, Mizoram leh Arunachal Pradesh Chief secretaries te lehkha lo thawn tawhin dan loa Myammar atanga lo lutte chu India dan zulzui zela lo dap chhuak turin a ti a ni. He hriattirna lehkha in a tarlan danin India ram chu United Nations Refugee Convention 1951 leh 1967-in dan leh dun a siam te pawmtu a nih loh avangin India rama states te chu anmahni state chhunga ram dang mi lo lut te raltlan anga lo dawnsawn tura thuneihna an neilo a ti a ni. Manipur leh Mizoram sorkar te chuan Bureau of Immigration leh Home Ministry te lo pui turin Nodal Officers te an ruat ve bawk.
Hetihlai hian Manipur Chief Minister N.Biren Singh chuan June 30 a Television interview naa sawiin Manipura buaina kal mek chu dan loa Myanmar atanga lo lutte vang niin a puh a ni. Churachandpur Superintendent of Police report atanga a lan danin a tlem berah mi 10 vel chu bomb puak leh silai mu avanga hliam tuar te Churachandpur district hospital ah enkawl niin, heng hliam enkawl mek te hi Myanmar atanga lo kal Tamu mite mi a report a ni bawk.