Alcaraz vs Medvedev

Wimbledon 2023 khelh chu nilai zan khan mipa quarter-final khelh zawh a ni a. World No. 1 Carlos Alcaraz hnehin semi-final a lut. Alcaraz hmachhawn tur Medvedev chuan Christ Eubank lehthalin semi-final a lut ve bawk. Semi-final hi zanin dar 6:00 ah khelh \an a ni ang.
Nilai zana quarter-final khelah World No. 1 Carlos Alcaraz chuan a rualpui Holger Rune a hmachhawn. Anni pahnih hi vawi hnih an inhmachhawn tawha vawi khat ve ve chak tawh an ni a. Tennis inelna awp zui thei tura thiamna ril nei an nih bawk vangin quarter-final-a an intum hian ngaihven a hlawh hle. Rawlthar player \ha pahnih inhmachhawn hian hmuhnawm nghal viau mah se beisei phak lovin a tawp a, Alcaraz-a’n set hloh lovin hnehna a chang.
Alcaraz leh Rune te hian hmuhnawm takin bul an \an a, set khatnaah an inhnehtawk hle. Break nei thei an awm loh vangin tie-break khelh a ngai nghal a. Darkar khat chuang zet an khelh hnuin Alcaraz-a’n set hmasa a la.
Set khatna a lak hnuin Alcaraz a inrintawk lehzual a, a elpui lian Rune a thunun hneh chho \an viau. Rune hian set lak ngei tumin \an khawh \hin mah se double foul a neih bakah tihsual a ngah vangin break a nei thei lova, a serve hum zo lo zawkah a \an zawn. Alcaraz hian set hnihna leh set thumnaah break pawimawh tak a neih a chhawr \angkai a,7-6 (7-3) 6-4 6-4 a hnehna changin semi-final a lut.
Nilai zana inkhel dangah 3rd seed Daniil Medvedev leh Christ Eubank ten inkhel hmuhnawm tak an lantir a. Set hnih a hloh zawn hnuin Russian star Medvedev chuan a khingpui a lehthal a, a vawi khat nan Wimbledon semi-final a lut.
Medvedev hian palian, service na zet mai Eubank lakah bul a \an \ha a, break a neih chhawr \angiin set khatna a la. Set la hmasa zawkah \ang mah se set hnihnaah erawh Medvedev hi a khel chhe viau thung a, game khat a la thei \awk a, set a hloh chiang hle. Set a lak hnuin inringtawkna sang zawk nen Eubank a inlan zui a, set thumna a la zui leh. Set hnih a hloh zawn hnuin Medvedev hi dinhmun derthawngah a ding hman a, tie-break hmanga set la hramin beiseina thar a ni. Set hnih ve ve an lak hnuin Medvedev a khel \ha ta viau thung a, set nganaah game khat chiah a hloh a, khingpui hautak lakah 6-4 1-6 4-6 7-6 (7-4) 6-1 in hnehna a chang.
Semi-final-a intum tur Alcaraz leh Medvedev te hi vawi hnih an inhmachhawn tawh a, vawi khat ve ve an chak a, an record chu 1-1 a ni mek.