Ukrainian zinga Wimbledon title la hmasaber Lyudmyla Kichenok

Ningani zan khan Wim-bledon khelh mekah title hmasaber chu semchhuah niin, Ukraine nula Lyudmyla Ki-chenok leh a kawppui Croatian Mate Pavic 2023 kutah mixed doubles trophy hlan an ni.
Thupuia tarlan angin Kichenok hi Ukrainian zinga Wimbledon title hlawh-chhuak thei hmasaber niin, Ukraine tennis player zinga grand slam title hawn thei pathumna a ni nghal.
Centre Court final-a hnehna an chan hnuah Kichenok hian a khelh danin kawng engnge-mawti tala an ram zalenna atana bei mekte a pui ngei a beisei thu a sawi.
Seventh seeds pair hian final-a an khingpui Joran Vliegen of Belgium and Chinese Xu Yifan lakah 6-4 6-7 (9-11) 6-3 hnehna changin, Centre Court-a an kawmnaah Kichenok-i chuan a chipuite lam hawiin, “An zalenna atan an fight mek a, kei pawhin tennis hmangin Ukraine rama ka chipuite tihphur hi ka tum ve ngar ngar a, he hnehna hian tlemte tal chuan a puih ngei ka beisei,” a ti.
A thusawi hian Centre Court mipui lawm a hlawh a, Wimble-don fans pungkhawmin thawm ring tak chhuahin Ukrainian an thlawpzia leh lawmpuina an lantir nghe nghe.
Grand slam tournament-a champion thei dang awmchhun pahnihte chu kum 2008 Austra-lian Open women’s doubles title latu Alona leh Kateryna Bon-darenko-te unau kha an ni.