A chipuite laka Svitolina lawmna luangliam

ndonain a chim mek Ukraine fanu rangkachak Elina Svitolina chuan Wimbledon final lut zo ta lo mah se hun harsa kara amah thlawk tlattu a chipui Ukrainian-te chungah lawmthu sawiin, mittui karah, “Ka awih lo hial zawk. Ka kalkawng tluanin min thlawp tlat a,” a ti.
An ram lama hun khirh an tawh laia inkhelhna tualzawl luahin amaha nghawng a neih dan zawh-na chhangin kum 28 mi chuan, “Kan ram hun tawn hi chak tura phurna leh thathona min petu a ni ngei a, mahse, mawhphurhna sang tak a keng tel a, rilru a buai lo thei lo a, ka theih tawka insiamrem ka tum.
“A chang chuan a harsa ka ti hhin a, mahse, tunhuma ka tlawmnaah hian chu chu chhuanlama hman ka tum lo. Hun remchang ka neih leh ngei ka beisei mai a ni,” a ti.
Ukraine infiammite zinga langsar fal tak pakhat Svitolina hian a nihna chu February 2022 ahanga Russia-in a run mek an ram tana sumtuakna leh an ram thlawp tura tlangau-na hun remchangah a hmang kal zel a ni.
Ningani zana semi-final match a khelh lai khan Ukraine rama Svitolina chenna tuifinriat kam lawngchawlhna khawpui Odessa ahanga hla lo tak Kyiv bial chhung hmun engemawzat chu Russia lamin drone hmangin hum 26 zet an kap a, chutiang hun khirh tawk chung chuan Ukrainian mipui tam takin Kyiv khawpuiah Svito-lina semi-final khel lai an thlir a, Svitolina hian a chipuite’n hun thim kara amah an thlawpna hi sawi-chhuak lo zia a ni lo ang!
French mihang tennis player Gael Monfils-a nupui pawmlai Ukrainian hian tournament chhunga a-mah thlawptu Wimbledon fans chungah pawh lawm-thu sawi nghalin, Ukrainian raltlante an lo mikhual danah British mipui laka a lawmzia hahipin a sawi.