TB damdawi ei lai khawsak harsa, chaw tha mamawhte pui ve turin larsap chuan MLA-te hnenah ngenna a siam.
Larsap Hari Babu Kambhampati hian Ningani khan Raj Bhavan-ah Health department official-te a kawm a. Prime Minister TB Mukh Bharat Abhiyan hmalakna kal meka hnathawh leh thlen chin thlir ho a ni.
-- Advertisement --
TB vei zingah AIDS/HIV vei leh mi harsa zawkten TB damdawi an thatpui theih na’n ei tur tha (nutrition) an mamawh a. Tlawmngai thei tan TB veite tanpuina kawng Nikshay Mitra Program kaltlangin a inhawng reng tih larsap hian a sawi a. TB veite chhawmdawlna chu rawngbawlna pawimawh tak a nih avangin MLA zawng zawngte hnenah pawh lehkha hmangin ngenna a pe tawh tih sawiin, mipui vantlang zingah mi tlawmngai pen chhuak zel turin a sawm tih a sawi.
TB natna laka mipui himna tur leh he natna hri umbo tura Health department thawktute inpekna leh thawhrimna fakawm a tih thu a sawi a. Thlirletna hmasa zawk leh tun inkarah pawh hmasawnna hmuh tur a awm tih sawiin, “He hmalakna huangah hian Mizoram state chu a ziaawm pawl ni mah se, tan lakna tur a la awm a ni,” a ti. TB damdawi eitir mekte vil uluk zui a pawimawhna sawiin, a bikin damdawi ei that loh avanga TB natna enkawl dam theihloh vei an awm loh na turin tan lak mar pat a ngai tih a sawi a ni.