Lei che thin pumpelhna’n tui paihna tha pawimawh

Lei che thin pumpelhna’n
tui paihna tha pawimawh
Leiminna hmun thenkhat zirchianin, chhungkaw tinin tui chhe paihna tha tak kan neih a pawimawh zia a lang a, sawrkar pawh tun aiin hemi kawngah hian khauh lehzual se a duh tih Congress thupuangtu Dr Lallianchhunga chuan a sawi.
Vaivakawn Zohnuai leiminna a hmuna Mizoram University mithiamten an zirchianna a enpui ve naah, chik taka en chuan tuichhe paihna (drainage system) tha tak chhungkaw tinin kan neih a pawimawh zia a langchiang hle tih Dr Lallianchhunga hian a sawi a. Helai hmun chauh ni lo, hmun dangah pawh tuichhe paihna tha tak a pawimawh vek, tiin, sawrkar pawh tun aiin hemi kawngah a khauh lehzual a duh thu te, chhungkaw tinin kan tuichhe paihna kan uluk a ngaih thu te, MZU mithiamte pawhin hei hi an ngaihpawimawh hle thu te sawiin, “Vanduaina hi kan fimkhur loh vangin a thleng thei tih hria ila; helai leimin avanga tuartu chhungkaw tan sawrkarin an thlamuanna tur engemaw tih sak thei se ka duhpui hle,” a ti.
He kawngpui hi Aizawl West-I bial mipui chak lakna kawngpui pawimawh tak a nih bakah Mizoram University panna kawng pawimawh a nih bawk avangin, fimkhur leh uluk tak si a hma lak thuai thuai a tul hle tih MPCC thupuangtu hian sawiin, August thla tir atanga MZU zirlaiten zirna an chhunzawm dawn avangin sawrkar lam pawh tun aia che chak deuh turin a ngen tih a sawi a ni.