Shoigu-an North Korea tlawh

North Korean hotu Kim Jong Un chuan an ram ralthuam thar ber ber te Russia Defence Minister an ram tlawh mek Sergei Shoigu a hmuhtir a.
Pyongyang hian Russian palai te bakah Chinese officials te chu an ram tlawh turin a sawm a. Pyongyang-in Korean War armistic anniversary 70-na a lawm turah an tel dawn a ni.
North Korea chuan military parade puitham tak nei dawnin hetah hian Hwasong intercontinental ballistic missile (ICBM) pawh pholan tur zingah a tel bawk a.
He ralthuam hlauhawm hi kumin April thla khan test niin North Korea in ICBM a neih zinga liquid-fuel ni lo solid propellant hmang hmasa ber a ni bawk.
Hei bakah hian phochhuah zingah drone design thar US Air Force tena offensive strike atana an hman tlanglawn ang tak pawh a tel a ni.
North Korea hi Ukraine indonaa Russia hnena ralthuam supply-tu anga puhin a awm mek a, hei hi erawh Pyongyang leh Moscow te chuan an pha ve ve thung.
North Korea a KCNA news agency chuan Kim leh Shoigu te chuan national defence leh international security environment lam an sawi dun tiin a puang bawk a.
Shoigu leh Chinese official te hi kum 1953 a tawp tawh Korean War a North Korea-in Victory Day a tih kum tina nasa taka a hman thina tel tura sawm an ni. Korean ram pahnih te hi peace agreement an siam loh avangin technically-a indo ang reng an la ni thung.
Tun hi Covid pandemic len hnua Kim Jong Un-an foreign official te an ram tlawh tura a sawm hmasak ber a ni bawk a, Russia leh China te hi a thian tha ram an ni bawk.