France-a lungawi loh lantirna tharah mi 1,000 dawn man

France ram pumah lungawi lohna lantirna tharah mi 1,000 dawn man an ni leh a, Inrinni zan khan tharum thawhna chetna a thleng bawk tih thuneituten an sawi.
Inrinni chhun lama mi sang telin buaina awm lova lungawi lohna an lantir hnuah zan lam Paris khawpui telin hmun hrang hrangah police-in tear gas leh water cannon hmanga pung khawm hnawh darh ngaiin an awm a. Marseille-ah barricade-te hal a ni a, Bordeaux-ah dawra an thil tar hrang hrang pawh thlak a ni bawk.
Hetih lai hian thuneitute chuan France chhuan thar chanchina buaina nasa ber an tih hial, a hma chawlhkara buaina leh inrawkna thleng vak ang kha awm lovin an veng thei tih an sawi.
Interior ministry chuan Inrinnia pun khawmah hian mi 4,10,000 vel an tel a, union-te erawh chuan 8,00,000 chuang an nih thu an sawi.
Khawsak man sang leh sikul dinhmun chhe lutuk avanga lungawi loh lantirna veng tur hian police officer 70,000 vel an duty a ni.
President Emmanuel Macron-a chuan kar kal ta khan lungawi loh lantir hi sumdawng pawl tan chauh phalna pek a nih thu a sawi a. Thil suasam, hal leh rawk avangin mi za tel lung ina dah an ni tih a sawi.
Inrinniah khan Paris-a Porte d’Italie atanga Porte de Vincennes thlenga muanawm taka kawng zawh a nih hnuah riot police nen an innawr zui a, police hi firfiaka chetna do tur bika tih, elite unit nena thawk chhuak an ni.
Mi thenkhatin kawng dalna, barricade lawnin officer-te hi an vawm a, police pawhin car zuar tukverh tichhetu hmai tuamte chu tiangin an vaw bawk.
Interior Minister Laurent Nuñez-a chuan ‘kawng zawhte hma lamah hian radical activist sang tel an awm a, heng zinga 500 vel chu buaina siamtu an ni’ tiin a sawi tih AFP news agency a hrilh.
Chhim lam lawng chawlhna, Marseille-ah chuan bawlhhlawh bawm hal a ni a. French khawpui lian pahnihnaah hian dan kawngkawhtuten dalna an siam halte chu tlan tlang an tum bawk.
Chhim lam, Bordeaux-ah chuan kawr dum haa hmai tuamten kawtthlera thil tarte an pawt thla.
Lyon-ah phal chin aia tam pung khawmte hnawh darh nan police-in tear gas an hmang bawk.
Inrinni zan khan Nuñez-a chuan mi 1,000 dawn man an nih thu leh a aia tam pawh a ni thei tih a sawi a. Mi pahnih ‘hliam na tak tuar’ an awm thu a sawi bawk.
Inrinni khan France-ah chauh lo, European khawpui lian dangah pawh vantlang lungawi lo pun khawmna lian tak tak a awm.
Spain-a Barcelona-ah chuan zirlaite pun khawmnaah thuneituten ‘tharum thawha che’ tia an sawi mi 100 chuang an man.
Albania khawpui, Tirana-ah riot police-ten sorkar laka lungawi lo pung khawm mi sang tel hnawh darh nan tear gas an hmang a. Hetih lai hian Belgium khawpui, Brussels-ah pawh pun khawm huaihawt a ni.
Italy hmar lam, Milan-ah mi pung khawm tur dan tumin venhimna tihkhauh a ni a, police bakah sipaite pawh an thawk chhuak a. Kar hmasa khan tharum thawhna thlengin thil hal, tukverh tihchhuat leh dawr rawk tam tak a awm.
Kar hmasaa tawpah khan khawsak man leh tuialhthei man sang lutuk duh lovin mi 5,50,000 pung khawmin mi 2,500 chuang man an ni.