Asian Games khel tur India squad-ah Mizo 2

Asian Games khel tur India squad-ah Mizo 2
Thawhlehni khan All India Football Federation (AIFF) chuan Hangzhou Asian Games-a India aiawh tur player 22 awmna squad puangin, Mizo football pahnih – Indian Super League club Mumbai City midfielder kum 22-a upa Laleng-mawia Ralte leh Hero ISL club dang East Bengal defender Lalchungnunga an tel.
19th Asian Games men’s football tournament hi kum 23 leh a hnuai lamte khelh mi niin, squad-ah hian kum 23 chung lam senior player pathum tel phalsak an ni a; India team-ah hian Lal-lianzuala Chhangte chu chawlh-hahdamtir niin, India captain Sunil Chhetri bakah senior defender Sandesh Jhingan leh first-choice goalkeeper Gur-preet Singh Sandhu-te’n kum naupang zawkte hi an uap dawn.
22-member Indian men’s football squad hi national senior team head coach Igor Stimac ngeiin a ho dawn a; India rohlu Chhetri leh 1998 Croatian World Cup semi-finalist Stimac thlan an nih danah AIFF hian kumin Asian Games hi a chhaih mai mai dawn lo tih a chiang!
Asian Games hi kumin September thla atanga October ni 8 thleng awh tur niin, football tournament bik hi September ni 19 atanga khelh tan tura rua-hman a ni a, final hi Games tawp ni atan dah a ni bawk.
A tirah engengemaw har-satna awm avangin Hangzhou Games-a Indian men’s leh women’s football team tel theih dawn leh dawn loh hi a chiang mai lo a, head coach Stimac pawhin an harsatna tawhah prime minister Naren-dra Modi inrawlh turin a ngen hial a, mahse, Asian Games organisers leh Olympic Council of Asia pawmpuina a hmu ta a ni.
Tarlan tawh leh kan hriat tlanglawn tawh angin, Asian Games football competition hi Under-23 pual ni mah se a hun hi kum khata tihkhawtlai a nih avangin kumin hian kum 23 chunglam phal zat chin bituk awmsa bakah kum 24-a upa tel phalsak an ni dawn a, January 1, 1999-a piang chin tan kawng hawnsak an ni.
Chipchiar deuh zawkin han thual nawn leh lawk ila, kum 2002 atang khan Asian Games football bik hi U-23 puala dah niin, kum bithliah chunglam player pathum tel phalsak an ni a; kumin Games hi a nihna takah chuan 2022 Asian Games niin, Covid-19 rawn chhuahna ram China-ah nikum khan case a pung leh hluai a, chuvangin kum khatin a hun an sawn tlai a, chuti ni mah se nikum Games football tournament atana tel thei tur kum bithliah an siam January 1, 1999 chin tih kha kumin hian kaltlangpui tur niin, kum 23 chunglam player rualkhat kan hmuh dawn bakah over-age player pathum veteran striker Chhetri, first-choice goalkeeper Sandhu leh star defender Jhingan-te’n Indian men’s team an ho dawn a ni.
AIFF hian a tirah Asian Games khel tur hian under-24 player engemawzat telna squad a din a, mahse, sports ministry lamin phalna an pek theih mai loh avangin an buai laih a, federation leh Stimac-te’n an nawr hnuah pawmsak an ni ta chauh a ni.
A tira squad-a dah zingah Lalnuntluanga Bawi-tlung bakah khup hliam atanga ngai awh chho leh tan Mohun Bagan midfielder Deepak Tangri, Pra-bhsukhan Singh Gill leh Thoiba Singh-te hnawl an ni a, senior player an sengluhte bakah kum 22 mi Lalchungnunga chu telh thar zingah a tel.
Indian national football team hi kum 2018 Jakarta Games-ah khan an inlan lo a, Hangzhou lamah huang zauh an tum ve leh dawn ta a ni.
Chhetri & Co. hi a thlengtu China bakah Fifa ranking-a an aia hniam ve ve Bangladesh leh Myanmar nen awmhoin har-satna lian tawk loa Group A paltlang thei tura ngaih an ni.
India hmeichhe football team erawh Hangzhou Asian Games-ah hian Group A lamah Thailand leh Chinese Taipei nen an awmho ang.
Mipa lam hi group paruka then niin, group tina a sang pahnih zel bakah pathumna luahtute zinga a sang paliin round of 16 an lut dawn a ni.
Women’s competition lam-ah ve thung chuan group tina a sang ber theuhte bakah pa-hnihna tha zual team thumin quarter-final an lut ang.
India hian tournament khelh tan kum 1951 khan Asian Games men’s football-ah hlawh-tlinna chang nghgalin gold medal an hawn a, kum 1962 khan an champion nawn leh bawk.
Fifa ranking-a 100 hnuai lama awm tawh Indian men’s team hi Asian Football Confe-deration ranking thar berah 18-na ni mekin, hmeichhe team lam hi 11-na an ni thung.
Indian Olympic Association (IOA) chuan Asia top 8 an luah phak loh avangin Indian football team pahnih hi kumin Games khel turin phalna a pechhuak duh mai lo a, AIFF lamin sports ministry lamah India team hnih tel phalsak turin an nawr a, national senior team head coach Igor Stimac pawhin prime minister inrawlh a ngen hial bawk tih tarlan a ni tawh.
Ti chuan, SAFF Cham-pionship leh Intercontinental Cup bakah Kyrgyz Republic leh Myanmar telna tri-nation football tournament-a champion India mipa team-in kuminah trophy lian zawk an beisei zui leh thei dawn ta a ni.

India squad

Goalkeepers: Gurpreet Singh Sandhu, Gurmeet Singh, Dheeraj Singh Moirangthem.

Defenders: Sandesh Jhingan, Anwar Ali, Narender Gahlot, Lalchungnunga, Akash Mishra, Roshan Singh, Ashish Rai.

Midfielders: Jeakson Singh Thounaojam, Suresh Singh Wangjam, Lalengmawia Ralte, Amarjit Singh Kiyam, Rahul KP, Naorem Mahesh Singh.

Forwards: Siva Sakthi Narayanan, Rahim Ali, Sunil Chhetri, Aniket Jadhav, Vikram Partap Singh, Rohit Danu.