US-ah Swift aia zaithiam lar an awm rih lo

US-ah Swift aia zaithiam lar an awm rih lo
Taylor Swift chu Billboard Artist 100-ah a No.1 a, he chart-a a No.1 tawh zawng zawng belhkhawm chu kar 75 a tling tawh a, he chart-a No.1 ni ngun ber a nihna a sawhnghet leh ta sauh a ni. Hetihrual hian chart top 10-ah NewJeans leh Greta Van Fleet te pawh an rawn lang thar ve leh ta bawk.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar kar khat chhunga US-a zaithiam te album leh hla hralh tam dan te, streaming leh radio airplay te chu tehna pawimawh a ni.
Taylor Swift hian Eras Tour nei mekin, he tour avang hian a album thar mai bakah album hlui te pawh hralh a kal thar leh hle a, a album thar ber ‘Speak Now (Taylor’s Version)’ Billboard 200 (albums) chart-ah No.4 a la ni a, hei bakah hian a album dang 10 chu Billboard 200 chart-ah hian an lang thei bawk a, tihian a zawnin kar thum chhung chu Billboard 200 chart-ah a a album 11 an lang ta a, hetiang tithei awm chhun a la ni.
‘Speak Now (Taylor’s Version)’ bakah hian ‘Midnights’ chu No.6 a la ni a, ‘Lover’ chu No.10 niin, ‘Folklore’ (No.12), ‘1989’ (No.20), ‘Reputation’ (No.21), ‘Red (Taylor’s Version)’ (No.23), ‘Evermore’ (No.34), ‘Fearless (Taylor’s Version)’ (No.35), ‘Taylor Swift’ (No.178) leh ‘Speak Now’ (No.194) te chu Billboard 200 chart-ah an lang pha a ni.
Billboard Hot 100 lamah pawh Swift hla ‘Cruel Summer’ chu No.6 niin, ‘Karma’ featuring Ice Spice chu No.15 a ni a, ‘Anti-Hero’ (No.22), ‘I Can See You (Taylor’s Version) (From the Vault)’ (No.45), ‘Enchanted (Taylor’s Version)’ (No.89) te an lang thei bawk a, heng te avang hian Billboard Artist 100 chart-ah pawh a la No.1 chiang hle a ni.
K-Pop girl group NewJeans chu No.64 atangin No.2-ah an invawrh a, anni hian a album thar ‘2nd EP ‘Get Up’ hralh that zar an zo a, he album hi kar khat chhunga 1,26,000 hralhin Billboard 200 (albums) chart No.1-ah an debut pui a ni. Greta Van Fleet pawhin a album thar ‘Starcatcher’ hralh that zar zoin No.6 a ni.

Billboard Artist 100 Top 10:
1 Taylor Swift
2 NewJeans
3 Morgan Wallen
4 Jason Aldean
5 Luke Combs