Rukru man

Mizoram atanga state pawna bik rukchhuah tum nia hriat hnamdang pakhat chu August 7 chawhma khan man a ni. Thudawn danin, he bike hi a khalhtu hnamdang hian Kolasib Rengtekawnah a dinpui zawk a, chabi vuah si loa a tih nun theih avangin helai hnaia auto rickshaw pakhat chuan ringhlelin thu a zawtfiah a, bike khalhtu a hi tlan ta thut a, auto khalhtu hian umzuiin Bilkhawthlir tam chhung Keichhamah an umpha ta a ni. He bike hi MZ-01 Q 8621 a ni a, Bilkhawthlir Police-ten bike leh a khalhtu hi an hreng nghal a ni. Mizoram atangin bike, state pawnlama rukchhuah a tam thin hle tih thu dawn a ni a, thenkhat chu Mizoram chhungah police emaw khawtual mi emawten an lo man chang a awm a, Assam leh Tripura lamah police/ para military force ten bike ruk ni ngeia ngaih an lo man chang pawh a awm tih sawi a ni.