Zu a\angin sum lut nual tawh

Zu a tam tih hi tlang hriat a ni ang; an man deuh reng a, man loh pawh a tam tih a chiang. Zu atang hian sum pawh a lut nual tawh.
Mizoram Excise & Narcotics (MEN) department-in kuminah September ni 15 thleng zu atangin Rs 2,07,45,513.00 an hmu tawh.
Kumina sum hmuh hi a tam thur thur e tihna a ni lo a, zu khapna rama hmuh a tan chuan a tam tiin a sawi theih bakah, nikuma sum hmuh enin, kumin thla kua leh a chanve chhunga sum hmuh hi a tam tawh. 2025 khan kum tluana sum hmuh zat chu Rs 2,40,14,045.00 a ni.
Kumina sum hmuhna lian ber chu Foreign Liquor & Spirit a ni a, Rs-ah Rs 58,25,350.00 hmuh a ni a, Other receipt-ah Rs. 1,08,420.00 hmuh a ni.
‘A sen chi’ ti emaw ‘sapzu ti emawa sawi IMFL (Indian Made Foreign Liquor) ml 750 dawng chi um 19321 an man tawh a, ml 375 dawng chi um 1286 leh ml 180 dawng chi um 905 an dawng tawh. Beer an man a, fruit wine litre 12.500 an man tawh.
Tualchhung zu pawh a tam a, September ni 15 thleng khan kuminah litre 45735.996 an man tawh. Zu bilh lai (fermented rice) tin 103215 an man tawh bawk. Nikum khan kum tluanin tualchhung zu hi litre 57004.920 an man a, zu bilh lai hi tin 109257.1/2 an man.
Zu atanga sum lut hi 2024-ah khan a tlahniam a, 2025-ah a pung leh. Kumina thla kua leh a chanve chhunga hmuh hi a tlem lo a.
Zu atanga sum hmuh zat
2022-ah Rs 2,29,84,481.00
2023-ah Rs 2,62,40,546.00
2024-ah Rs 2,37,03,744.00
2025-ah Rs 2,40,14,045.00