Lok Sabha member nihna Rahul hnenah pe let

Congress leader Rahul Gandhi chu August 7-ah Lok Sabha member a nihna atanga chawlhtirna sut niin Lok Sabha Secretariat chuan Supreme Court-in defamation case a hremna a stay hnuah Kerala-a Wayanad MP a nihna chu a pe let leh a ni.
Parliament pan zui nghalin Rahul Gandhi hi Congress leh Opposition MP dangte chuan an lo lawm a.
Gandhi hian Parliament House complex pan nghalin chumi hnuah Mahatma Gandhi statue panin pangpar a dah zui nghal a ni.
Congress leh Opposition INDIA bloc MP te chuan Parliament gate number one-ah lo hmuakin an lo lawm a, an aurual zui nghal bawk a.
Surat court-in criminal defamation case-a thiamloh a chantirna Supreme Court-in a stay-na copy chu Lok Sabha Secretariat-ah Lok Sabha-a party leader Adhir Ranjan Chowdhury chuan August 5 khan a thehlut tawh a.
Chowdhury chuan Lok Sabha Secretariat-in Gandhi chu MP a nihna pe let leh nghal a, no-confidence motion August 8 atanga sawihona neih tura a tel zui nghal theih nana a ngenna an tihhlawhtlinsak nghal loh avangin a sawi zui zel bawk.
Kar kalta Zirtawpni khan Supreme Court chuan ‘Modi surname’ chungchanga a thusawi avanga criminal defamation case-a Rahul Gandhi hremna chu a stay a ni.
Hei vang hian Lok Sabha MP atanga ban a nihna chu pek let leh tur tih niin a hmain Rahul Gandhi chu Surat court-in thiamloh chantirin kum hnih lung in tang turin a lo ti tawh a ni.
Court-in thiamloh a chantir avang hian March 24 khan Kerala a Wayanad MP a nihna atanga disqualify-in a awm zui nghal bawk.