Naupai lai tan cosmetics hman a him lo thei

Nu nau pai lai tan cosmetics chi hrang hrang hman a him lo thei niin mithiam ten an sawi a, sahbawn leh lotion kan hman thin ten kan nau pai laiah a tha lo zawngin nghawng a nei thei niin an sawi.
Zirchianna an neih tharah hian cosmetics thenkhat butyl paraben leh triclocarban awm tamna ang chi te chuan nau thlakim loa pian theihna chance a tisang a, hei bakah hian naute rihna a tihniam thei niin an sawi.
Butyl paraben hi cosmetics vawn that nana an hmang thin tlanglawn tak niin, lotion velah an telh thin a, antimicrobial compound chikhat triclocarban pawh hi sahbawnah an telh thin.
SUNY Downstate Medical Centre, New York, US-a an hotu Laura Geer chuan, “Triclocarban hi dahbawnah telh thin a ni a, hei hian thlakim lo va nau pian theihna risk a tisang thei a, propyl paraben hian naupiang a tizangin a ti tê thei,” a ti.
Geer chuan, “Kan zirchianna hian endocrine tibuai thei compound ten ran leh mihringah inthlahchhawnna lamah a tha lo zawngin nghawng a nei thei tih a chiang a ni a, he evidence thar atang hian consumer product ten heng chemical an hman dan hi ennawn leh a ngai a ni.
He zirchianna chungchang hi Journal of Hazardous Materials-ah tarlan a ni.