Hnung zawng mel 500 thirsakawr khalh

Alaskan cyclist hi a pui ve khawp mai, Iowa-ah thirsakawr a hnung zawng zawng ngawta khalhin mel 500 a thui a khalh a, Guinness World Record a siam ngei a inbeisei.
A hming chu Will Walker hian Iowa state hi thirsakawrin a fang kual a, mahse, a thirsakawr hi hnunglam hawi zawng ngatin a khalh thung. Tun tumah hian Register’s Annual Great Bicycle Ride Across Iowa event an nei a, hetah hian cyclist 30,000 vel zet an tel a, mahse, Walker chiah hi thirsakawr khalh dan pangngai ni lo a khalh awm chhun a ni.
Will Walker hi a thirsakawr handlebar-ah thuin, hnunglam a hawi daih a, a kalna tur kawng hmu tur chuan a koki chungah a hawi let a ngai bik a ni. Walker chuan hetianga thirsakawr khalh hi kum 10 vel kalta atanga a lo chin tan tawh niin a sawi a, “Ka thiante nen kan thu khawm a, kan titi a, hetianga thirsakawr khalh hi ka theih leh theih loh ka en chhin ta a ni. Tunah chuan mite pawhin min hre lar ve tawh khawp mai,” a ti.
Walker hian a evidence neih ang ang te Guinness World Records-ah a theh lut tawh a, ani hi chuan record a siam ngei a inring a, mahse, Guinness official ten an la endik ve leh phawt dawn a ni. Tuna hetiang record dinglai chu Australian cyclist Andrew Hellinga’n 2012-a a siam niin, mel 209.77 a khalh thei a n