Dolly Parton ruang thlanah an zalh ta

August ni 25-a kum 80 mi ni a, cancer avanga thi Dolly Parton chu Nashville-ah a pasal, 2025-a kum 82 mi ni a thi ta Carl Dean thlan kiangah an zalh ve ta. Dolly Parton vuinaah hian chhungkhat laina hnai tak tak chauh an tel.
Dolly Parton pual hian country star rual ten Grand Ole Opry-ah hun an hmang a, Carly Pearce, Jelly Roll, Katy Mattea, Ketch Secor leh Molly Tuttle, Channing Wilson leh Parton-i vah Jada Star te pawh an perform nghe nghe a ni.
Dolly Parton thih hnuah a hlate a lar thar leh a, a hla hit ‘Jolene,’ leh “I Will Always Love You’ te pawh a vawi khat nan Billboard Hot 100 chart-ah Top 40 a kai. Heng hla pahnih te hi Parton hla zinga hriathlawh ber te zinga mi ni mah se a vanglai pawhin Hot 100 top 40 a kai pha tlat lo a, tunah a vawi khat nan a rawn kai ta a ni.
“Jolene” hi Hot 100 chart-ah No.16 a rawn kai a, “I Will Always Love You” chu No.27 a ni bawk. Heng hla pahnih te hi 1974-a Parton phuah ve ve an ni.