Costa club thar Botafogo

Brazilian league hmahruaitu ni mek Botafogo chuan Chelsea leh Atletico Madrid striker hlui Diego Costa kha free transfer-in an senglut.
Kum 34 mi ni ve tawh Costa hian June thla mai khan Wolverhampton Wanderers chhuahsanin free agent a ni a, thla li chhung atan Botafogo nen inremna an ziak a; Wolves tana a khelh chhunga a goal neihchhun chu kumin April thla khan Brentford an hneh \umin a thun nghe nghe.
Club thar a vawn hnu lawkah Costa hian social media kaltlangin a hlim hle tih a tarchhuak a; Botafogo-ah hian Wolves boss hlui Bruno Lage nen khan an inhrawn leh dawn a ni.
Season liamta khan Wolves tan Costa hian Premier League game 23 khelin, Brentford laka 2-0 hnehna an chan \uma a goal tihluh kha kum ruk dawn chhunga English top flight-a a goal neih chhun a ni.
Chelsea thuam a inbel chhung khan Costa hian goal 59 thunin league title pahnih a lakpui hman a; \um hnih zawma Atletico Madrid a zawm chhung khan Spanish La Liga trophy pahnih leh Europa League title pakhat a sualchhuahpui bawk.
Rio de Janeiro khaw club Botafo-go hian Brazilian top flight an thu-nun kal mek a, season kal laia game 19 an khelh tawhah \um 15 chakin, table-a anmahni hnaihbertu Flamen-go lakah point 16-in an fal mek.