Post ruak 695 hnawhkhat

Sawrkar kum kalta chhung khan Mizoram sawrkar chuan a hnuaia thawk tur post ruak 695 a hnawhkhat a, heng zinga 543 hi direct recruitment a ni.
Mizoram Department of Personnel & Administrative Reforms report danin, kum 2022-2023 chhung khan an department kaltlangin post thar siam tura rawtna 154 pawm a ni a. Promotion atangin post ruak 695 hnawhkhatin, heng zinga 163 hi LDE (Limited Departmental Examination) atanga hnawhkhah a ni a, post 543 chu direct recruitment a ni.
DP&AR hian contract hmanga hnathawktu chhawr mek 154 leh provisional employee anga chhawr 809 a dahnghet tawh a. Modified Assured Progressive Scheme 2020 hnuaia state sawrkar hnathawk 10240 upgrade-na tur check slip pawh a tifel tawh a ni.
Kum 2022- 2023 chhung khan Mizoram Subordinate Service Selection Board chuan direct recruitment exam vawi 51 leh LDE vawi 45 a buatsaih tawh a. PWD hnuaia junior engineer, overseers leh section assistant-te tan departmental exam a buatsaih bawk. Heng bakah hian MSSSB chuan thawktu 983 tana kaisanna tur chingfelin contract hnathawk 53 dahnghehna tur a buatsaih fel tawh bawk.