Khuh Damdawi….

Medical Representative (MR) licence hmanga khuh damdawi a ruka zuartu Lungleia MR pahnih chu tunhnai khan court-in an chungthu relin thiamloh chantira pawisa chawi leh lung ina tantira hrem an ni a.
|halaiten khuh damdawi hi ruih nan an hmang nasa thin hle a. Heng khuh damdawi (Schedule H) te hi dan chuan doctor prescription tel lova hralh chhuah a khap a; mahse, damdawi zuartu thenkhat chuan daktawr lehkha tel lovin an hralh chhuak nasa thin hle a ni ang tih rin theih turin khuh damdawi bur ruak hi kawmkar hmun tinah hmuh tur a awm rei rui thin a; tun thleng pawh hian hmun thenkhatah chuan hmuh tur a la awm reng. Daktawr lehkha nen thlapa khuh damdawi lei thei chin chuan damdawi bur ruak hi kawmkarah an paih kher a rinawm loh hle a ni.
Damna tura siam damdawi ni na na na, damlohna tura hman a ni dawn tih hre reng chung sia damdawi zuartuten dan kalha an hralh chhuak a nih chuan, sual lian tak a ni a, hei hi a serious hle.
Damdawi zuartuten prescription tel lova damdawi an hralh chhuak lai hi kuta man tur awm lo mah se, daktawr lehkha tel lova an hralh chhuah leh hralh chhuah loh erawh cash memo atangin a hriat theih a. Damdawi zuartuten company atanga damdawi an lak zat leh an hralh zat pawh cash memo atanga endik theih a ni. Cash memo-ah prescription siamtu daktawr hming ziah lan thlap thlap a nih bawk chuan damdawi zuartuten khuh damdawi an hralh dan hi a endik theih a ni. Damdawi zuartute laka khauh taka dan hi kenkawh a nih chuan, dan bawhchhiatna hi a tlem phahin thalai tam tak nunna chhanchhuahna tur pawh a ni thei nghal dawn a ni.