Mipa ten an rilru lo an sawi thin

Mipa 64% chuan hmeichhiain rei deuh thil an sawiin ngaihthla reng ninawm an ti niin relationship lama mithiam ten an sawi a, hmeichhe thil sawi tihtawp nan an rilru lo ang deuh pawh sawi an hreh vak lo niin an sawi bawk.
Social media study Matchify-in an neih thar DecodingMen tih atanga an hmuhchhuah tak chu mipa ten hmeichhe hnena an thusawi zawng zawng hi an rilru tak taka an sawi a ni kher lo a, a chang chuan hmeichhe thil sawi hnem lutuk an ngaithla peih tawh loin an rilru lo ang tak pawh an sawi mai thin.
He survey-ah hian mipa ten hmeichhia nena inhnialna pumpelh nan an rilru lo ang tak pawh an pawm ve mai thin niin an sawi a, survey chhangtu mipa 90% chuan hmeichhia nena inhnial peih loh vangin hmeichhe thusawi chu an rilru ang ni lo mah se an pawmpui mai thin niin an sawi.
Hei bakah hian hmeichhe incheina chungchangah mipa ten an rilru ang ni lo an sawi nasa hle bawk. Hmeichhiain a kawr hak emaw, a sam tih dan emaw a nalh leh nalh loh a zawhin mipain a inhmeh emaw nalh emaw a ti vak lo a nih pawhin hmeichhe rilru nawm nan ‘nalh/inhmeh’ tiin an chhang mai thin niin 66% chuan an sawi.