Mission: Impossible film-in $4B lalut tling

Tom Cruise channa action movie ‘Mission: Impossible’ franchise sum lakluh zawng zawng chu dollar tluklehdingawn 4 a kai ta. Mission: Impossible film hi pasarih an siam tawh a, Tom Cruise chu he film-ah hian Agent Ethan Hunt lemah a la chang vek a, a film thar ber “Mission: Impossible – Dead Reckoning Part One’ pawh a la che tha viau a ni.
M:I film pasarihna hi dollar maktaduai 300 vel senga siam a ni a, beisei a pha zan lo nain, a che tha thawkhat tho a, khawvel huapin dollar maktaduai 541.8 chu a lalut tawh tho a ni. M:I film tihchhuah tawh pasarih te sum lakluh belhkhawm chu dollar tluklehdingawn 4.11 a tling tawh a, film pakhatin dollar maktaduai 588.3 theuh lalut ang an ni a, a film pakhat siam nan hian chawhrualin dollar maktaduai 159 vel zel seng ang an ni bawk.