Karnataka-ah ‘Gruha Laksmi’ tlangzarh

Sorkar laipui chuan September 18 a\anga 22 inkar chhungin ‘special session of Parliament’ a ko va. |hutkhawm \um nga a awm ang tiin Union Minister Prashad Joshi chuan a sawi a. “Parliament ah sawihona hlawk tak kan neih theih ngei ka beisei a ni” tiin Joshi chuan a sawi.
Sorkar chuan agenda chung chang engmah sawi lan a la nei lo va. Hei bakah hian special session chu Parliament building tharah nge neih a nih dawn pawh sawi a ni lo.
Chumai bakah Lok Sabha leh Rajya Sabha joint session pawh a ni lo mai thei bawk.
Sorkar lam chuan agenda tur zingah India ‘developed ram’ a nihna lawmna Amrit Kaal celebration pawh a tel mai thei an ti bawk a. Bill pawimawh chungchang engmah sawi lan a ni lo bawk.
Special session neih hun tur hi Mumbai-a INDIA bloc meeting boruak lenlai tur nia ngaih a ni bawk a. Party 28 \angrualte chuan Bharatiya Janata Party leh Prime Minister Narendra Modi te chu nakum inthlanpuiah pawhthlak ngei tumin an \angrual a ni.
Special session hi India rama thil lian tham tak tak Delhi a G20 summit neih boruak September 8 a\anga 10 inkara neih tur zawh hlim hlawk a ni bawk.